Giklaro sa kampo sa aktor nga si Coco Martin nga wala kini kalambigitan sa bisan unsang matang sa sugal o online gaming platforms nga nagkatag karon sa internet, ug gipasabot nga wala niya kini gi-endorso.
Pinaagi sa usa ka opisyal nga pahayag, gipasiugda nga ang bisan unsang endorsement, social media post nga naggamit sa ngalan, nawong, o bisan unsang koneksyon ni Coco sa sugal dili awtorisado ug usa ka pagpangilad.
Gitambagan sa kampo niini ang publiko nga mahimong likayan ang pag-apil sa maong mga promosyon.
Si Coco, nga nailhan sa iyang mga sikat nga teleserye, kasamtangan karong nangandam alang sa iyang bag-ong serye uban sa iyang partner nga si Julia Montes.
Kini nga katin-awan miabot human nagpagawas og pahayag ang Cybercrime Investigation and Coordinating Center (CICC) bahin sa ilang mga pagduda nga adunay pipila ka mga celebrities ug influencers nga nalambigit sa pagpakaylap sa mga ilegal nga online gambling sa nasud.