Bisan kon dili makadula si Kai Sotto sa Gilas Pilipinas alang sa ikaduhang window sa 2027 FIBA World Cup Asian Qualifiers, mopadayon gihapon kini sa paghatag og suporta sa team.
Nagkinahanglan pa og pipila ka semana nga pahuway ang 7-foot-3 nga Pinoy basketbolista sa dili pa kini hingpit nga makabalik sa pagdula. Tungod niini, gilauman nga mobalik siya sa Japan Basketball League sa sunod nga bulan.
Gisaysay nga gihulat siya sa iyang koponan sa Japan, ang Koshigaya Alphas, sulod sa kapin sa usa ka tuig sukad siya nakaangkon og injury sa ACL.
Isip pagpakita sa iyang suporta, gipasalig ni Sotto nga motan-aw siya sa mga dula sa Gilas. Unang makasangka sa Gilas ang New Zealand karong Pebrero 26, samtang ang Australia usab karong Marso 1, diin ang maong mga dula ipahigayon dinhi mismo sa Pilipinas.