Walay nakita nga rason si Department of Justice Secretary Frederick Vida aron suspendihon National Bureau of Investigation Director Attorney Melvin Matibag taliwala sa panawagan nga ipailalom usab kini sa preventive suspension.
Matud ni Vida, wala sa iyang otoridad isip kalihim sa Department of Justice ang pagpahamtang og preventive suspension batok sa direktor sa National Bureau of Investigation, ug wala usab kini nakitang igo nga basehan aron kini buhaton.
Misunod kini sa panawagan ni Senate President Alan Peter Cayetano nga suspendihon usab si Director Melvin Matibag human gipahamtangan sa Office of the Ombudsman og preventive suspension si Acting Senate Sergeant-at-Arms Mao Aplasca tungod sa imbestigasyon sa nahitabong insidente sa Senado.
Sa laing bahin, sumala ni Atty. Israelito Torreon nga dili sakop sa gahum sa Ombudsman ang pagsuspinde kang Aplasca gumikan ang posisyon sa Sergeant-at-Arms giila isip elective officer ubos sa rules sa Senado ug dili ordinaryong appointed official.
Gipasabot usab ni Torreon nga posible kining mahimong pagsulod sa independensya ug katungod sa Senado isip lahi ug patas nga sanga sa gobyerno.