Subling gisugdan na ni NBA star nga si Jimmy Butler ang iyang limitadong workout samtang nagpadayon ang iyang rehabilitasyon human sa iyang ACL injury.
Sa kasamtangan, wala pa hatagi og clearance si Butler alang sa full-contact practice, busa limitado pa lamang ang iyang mga ehersisyo.
Lakip niini ang light shooting ug stationary ballwork, samtang ang full sprinting ug contact drills ipahigayon pa sa sunod nga mga yugto sa iyang rehabilitation.
Malampuson ang operasyon ni Butler niadtong Pebrero 2026, ug gilauman nga makabalik siya sa pagdula sa tunga-tunga sa NBA regular season, apan magdepende gihapon kini sa iyang progreso sa rehabilitasyon.
Sa wala pa siya ma-injure, nag-average si Butler og 20.0 puntos, 5.6 rebounds ug 4.9 assists kada duwa.
Nakaduwa usab siya isip starter sa 38 ka mga duwa sa miaging season ug nakarekord og 51.9% shooting.