Gisupak sa nasod sa Iran ang nagpadayon nga Military Build-up sa Estados Unidos sa Middle East, ilabi na ang pagdeploy og mga barko sa kadagatan nga duol sa ilang teritoryo.
Sumala ni Iranian Foreign Minister Abbas Araghchi, ang giyera dili tubag aron hingpit nga mawala ang nuclear program.
Gipasabot sa opisyal nga mas mahinungdanon ang pagpahigayon og diplomasya ug mga panaghisgot kaysa sa pagpakita og kusog sa militar nga matod pa niya, wala’y kapuslanan ug dili makatabang sa sitwasyon.
Dugang pa niini, gipahimangnoan ang duha ka partido nga kung moabot ang panagbangi sa punto nga adunay mga airstrike, wala kini maayong madala ug seguradong daghan ang madamay nga kinabuhi.
Kahinumduman nga naghatag og ultimatum si US President Donald Trump nga napulo ka adlaw alang sa Iran aron motubag sa tanyag nga panag-istorya.
Tumong niini nga maundang ang paghimo sa nasod og nuclear program aron malikayan ang mas dako pa nga tensyon.