Pope Leo,  supak pagpalabang sa silot nga ‘death penalty’

Gisubli ni Pope Leo ang panawagan alang sa hingpit nga pagwagtang sa silot nga kamatayon kon (death penalty), dungan sa paghatag og gibug-aton sa pagkabalaan sa kinabuhi sa tawo.

Kini nga pamahayag sa Santo Papa natigayon nga may kalambigitan sa pagwagtang sa silot nga kamatayon sa estado sa Illinois.

Nanawagan usab kini sa mga sistema sa hustisya nga hatagan og higayon ang pagbag-o ug paghinulsol sa usa ka indibidwal inay nga tapuson ang kinabuhi niini.

Matud sa Santo Papa, ang matag kinabuhi bililhon ug angay nga panalipdan, bisan pa sa mga sala nga nahimo sa usa ka tawo.