Gipamatud-an sa Estados Unidos ang lig-on nga pasalig sa mutual defense commitment ngadto sa Pilipinas dungan sa pagsaulog sa ika-128 nga Adlaw sa Kagawasan kagahapong adlawa, Hunyo 12.
Pinaagi sa usa ka opisyal nga pamahayag, si US Secretary of State Marco Rubio mipadangat og mainitong pagtimbaya ngadto sa katawhang Pilipino. Gipunting ni Rubio ang lawom nga alyansa sa duha ka nasud nga nagsugod pa sa panahon sa World War ll.
Gilauman usab ang pagsaulog sa ika-80 nga tuig sa diplomatikong relasyon ug ang ika-75 nga anibersaryo sa 1951 Mutual Defense Treaty.
Subay niini gipahayag ni Rubio nga nagpabiling lig-on nga kaalyado ang Amerika sa Pilipinas—nga kasamtangang naglingkod isip Chair sa ASEAN, aron mapatunhay ang usa ka abli ug gawasnong Indo-Pacific Region.
Gawas sa seguridad, gipalapdan usab sa duha ka nasud ang kooperasyon sa ekonomiya pinaagi sa Luzon Economic Corridor ug pag-establisar og lig-on nga supply chain alang sa mga kritikal nga mineral.