Iran gihangyo ang US nga hunungon ang giyera –Trump

Temporaryong gihunong sa Estados Unidos ang mga pag-atake niini batok sa Iran human sa giingong hangyo sa Iranian regime, sumala ni U.S. President Donald Trump.

Matud ni Trump, nihangyo ang Iran nga undangon ang mga pag-atake ug mipakita og interes nga magkita aron hisgutan ang posibleng ceasefire o tigil-putukan.

Apan nagpasidaan ang lider sa U.S. nga ipadayon nila ang operasyon kung mapakyas ang duha ka panig sa pagkab-ot og bag-ong kasabutan. Samtang, gipanghimakak sa Iran nga adunay kasamtangang negosasyon tali nila ug Estados Unidos.

Matud sa Iranian Foreign Ministry spokesperson nga si Esmaeil Baghaei, dili nila tugotan ang U.S. nga magbuot sa “timing sa gubat ug kalinaw.”