Inflation mikunhod og  6.4% sa bulan sa Hunyo

Mikunhod sa 6.4% ang inflation sa Pilipinas niadtong Hunyo gikan sa 6.8% sa Mayo, sumala sa Philippine Statistics Authority (PSA).

Ang paghinay sa inflation giingong bunga sa mas hinay nga pagsaka sa presyo sa transportasyon ug mga pagkaon, lakip ang karne, isda ug bugas.

Bisan pa niini, ang average inflation sa unang unom ka bulan sa tuig nagpabilin gihapon sa 4.8%, nga mas taas sa target sa Bangko Sentral ng Pilipinas nga 2 ngadto sa 4 porsyento.

Samtang, padayon ang gobyerno sa pagpatuman og mga programa aron mapalig-on ang suplay sa pagkaon ug mapugngan ang dugang pagsaka sa presyo sa mga palaliton.