Adunay usa ka panultihon nga kung tinuod gyud ang imong pangandoy, buhaton nimo ang tanan aron kini makab-ot. Apan alang sa usa ka batan-ong lalaki sa India, literal niyang gisakripisyo ang usa ka bahin sa iyang lawas alang sa iyang damgo nga mahimong doktor. Mao kini ang gikatahong gihimo ni Suraj Bhaskar, 20 anyos, nga taga Uttar Pradesh, India.
umala sa mga taho, kaduha siyang napakyas sa entrance exam sa medical school.
Tungod niini, gituohang nakahunahuna siya og paagi aron makagamit sa quota alang sa mga persons with disabilities (PWD), nga naghatag og espesyal nga slots sa admission basta makapasar gihapon sa minimum requirements. Sa sinugdan, giasoy sa iyang pamilya nga gidunggab siya.
Apan nagduda ang pulisya human nilang namatikdan nga hapsay ug dili kasagarang klase ang samad sa iyang naputol nga batiis. Sa mas lawom nga imbestigasyon, nakombinsir ang mga otoridad nga tinuyo gyud ang pagpaputol sa iyang batiis.
Imbes nga makakuha og disability certificate ug makaduol sa iyang damgo nga mahimong doktor, posibleng atubangon na hinuon niya ang mga kasong kriminal—nga maoy mahimong hinungdan sa hingpit nga pagkaguba sa iyang pangandoy.