WORLD / INTERNATIONAL — Misaka ug miabot na sa 903 ka tawo ang kumpirmadong namatay samtang miabot sa 4,247 ang nagpabiling nawala human sa dakong flash flood nga miigo sa nasod sa Nepal.
Sumala sa National Disaster Risk Reduction and Management Authority (NDRRMA) sa Nepal, lakip sa libo-libong nawala ang dul-an 600 ka mga langyaw nga turista ug mga deboto. Nag-ugat ang trahedya niadtong Agosto 26 kasunod sa pagkahugno sa usa ka glacier duol sa utlanan sa Tibet, nga nakapasaka sa lebel sa tubig ug nakapaawas sa mga suba diin gipang-anod ang mga kabalayan sa pipila ka distrito.
Sa kasamtangan, moabot sa 20,000 ka security personnel ug 14 ka military helicopters ang gipakatap alang sa search and rescue operations, diin kapin sa 10,400 ka residente na ang malamposong naluwas taliwala sa dakong kadaot sa mga karsada, tulay, ug pasilidad.