ENTERTAINMENT / MUSIC — Magrepresentar ang singer nga si Carmelle Collado alang sa Pilipinas sa umaabot nga Eurovision Song Contest Asia 2026 human niya gipildi ang siyam ka ubang finalists sa gipahigayon nga Philippine Selection Night.
Ipasundayag ni Collado ang iyang winning track nga “Sobra-Sobra”—nga sinuwat nila ni Nica del Rosario ug Mat Olavides—sa maong dakong kompetisyon nga ipahigayon sa Bangkok, Thailand karong Nobyembre 14.
Makigsangka ang pambato sa Pilipinas batok sa mga representante gikan sa nagkadaiyang nasod sa Asya sama sa Malaysia, Korea, Nepal, Laos, Thailand, Bangladesh, ug Bhutan. Ang Eurovision Song Contest giila isip usa sa labing karaan ug kinadak-ang live international music competition sa tibuok kalibotan sukad kini gitukod niadtong 1956.