Miangkon sa kapolisan ug sa media ang usa ka alyas “Jan Jan” nga siya ang nidunggab-patay sa usa ka 20-anyos nga lalaki sa Zone 1, Barangay Kalasungay, Malaybalay City niadtong Domingo sa gabii, Agosto 30, 2026.
Sa pakighinabi sa Bombo Radyo Malaybalay, gipasabot sa suspek nga nakainom siya sa dihang nakit-an ang biktima duol sa simbahan alas-7 sa gabii, diin napuno siya sa kasuko human nahinumdoman ang dugay na nga pagpang-daugdaug o bullying sa biktima kaniya.
Giangkon ni Jan Jan nga makatulo niyang gidunggab ang biktima gamit ang kutsilyo nga gikuha gikan sa ilang balay, apan gipahayag nga wala niya gilauman nga ikamatay kini sa biktima. Human sa insidente, mitahan ang suspek sa iyang mga ginikanan ug nangayo og pasaylo sa pamilya sa namatay. Kasamtangan na siyang gitanggong sa kapolisan alang sa pormal nga pagpasaka og kaso.