Gikumpirma sa International Criminal Court nga tinuod ang mikuyanap nga arrest warrant batok kang Sen. Ronald “Bato” dela Rosa.
Sumala sa ICC, ang Pre-Trial Chamber I ang nag-isyu sa maong warrant kaniadtong Nobyembre 6, 2025 ubos sa confidential ug sealed proceedings.
Gibutyag usab sa tribunal nga nagpadayon ang lakang alang sa opisyal nga pag-unseal sa dokumento.
Sumala ni DILG Sec. Jonvic Remulla nga dili na ubos sa hurisdiksyon sa ICC ang Pilipinas human sa pag-withdraw sa nasud gikan sa tribunal.
Apan posible gihapon nga mulihok ang mga otoridad kung ang maong warrant mapasa pinaagi sa Interpol, ug mahimo kining ipatuman subay sa giya sa Korte Suprema sa Pilipinas.
Subay niini, gidala ug gipakita ni kanhi Senador Antonio Trillanes sa media ang giingong kopya sa warrant of arrest sa International Criminal Court batok kang Senador Bato dela Rosa.
Matud ni Trillanes nga dili tinuod ang pahayag nga wala pay senador nga naaresto sulod sa Senate of the Philippines samtang nagpadayon ang sesyon.
Aduna usab siya’y video nga ebidensya nga kaniadto siya giserbisyuhan og warrant of arrest ug gibasa ang Miranda rights sulod mismo sa Senate premises samtang nagpadayon ang sesyon.
Gidugang usab niini nga karon, nakadependi ang reputasyon sa Senado isip institusyon sa paagi sa pag-atubang niini sa kasamtangang sitwasyon.
Una pa niini, gibabagan si Senador Ronald dela Rosa sa mga personahe sa National Bureau of Investigation (NBI), ug sigon niini nga wala matud pa pagtahod sa Supreme Council.
Nagpakita sa Senado kagahapong adlawa, Mayo 11 si Dela Rose, human sa pila ka bulan nga wala magpakita sa publiko ug sa Senado sukad pa niadtong Nobyembre sa milabay nga tuig.