Gipahigayon karong Nobyembre 2 sa International Criminal Court (ICC) ang ikalima ug katapusang status conference ni kanhi Presidente Rodrigo Duterte isip pagpangandam sa pormal nga pagsugod sa iyang paglilitis sa kasong crimes against humanity sa Nobyembre 30.
Nagtutok ang maong komperensya sa katapusang pagpangandam sa mga dokumento, ebidensya ug mga saksi sa duha ka habig, human ideklarar sa ICC nga ang kanhi presidente angayan nang moatubang sa paglilitis niadtong Oktubre 8.
Samtang, gisalikway sa ICC ang hangyo sa kampo sa mga biktima nga tugotan silang mogamit sa wikang Tagalog sa pipila ka bahin sa ilang opening statement batok kang Duterte.
Matod ni Presiding Judge Joanna Korner, Ingles ug Pranses lamang ang opisyal nga mga pinulongan sa korte ubos sa Rome Statute. Gipasabot usab niini nga magdugang og komplikasyon ug gasto sa paghubad ang paggamit sa laing pinulongan.
Bisan pa niini, nagpahayag og kaandam ang kampo sa mga biktima sa pagpresentar sa ilang mga ebidensya sa dili pa magsugod ang pormal nga paglilitis sa Nobyembre 30.