Gibag-o sa House prosecution panel ang assignment sa pipila ka miyembro niini alang sa gipaabot nga pagsugod sa impeachment trial batok kang Vice President Sara Duterte.
Matud ni Justice Committee chair ug lead prosecutor Gerville Luistro, dili na siya ang manguna sa usa sa mga bahin sa kaso ug magpabilin na lamang siya isip lead prosecutor sa tibuok team.
Tungod niini, si Manila Representative Joel Chua na ang maoy manguna sa team nga motutok sa reklamo may kalabotan sa giingong maanomalyang paggamit sa confidential ug intelligence funds.
Si Bukidnon Representative Keith Flores usab ang maoy mangulo sa article nga may kalabotan sa giingong bribery o panuhol kaniadtong si VP Sara pa ang Secretary sa Department of Education.
Sa kasamtangan, sigon ni Luistro nga padayon ang pagtuon sa mga prosecutor sa tanang isyu nga sakop sa mga articles of impeachment pinaagi sa regular nga meeting ug workshops, lakip na ang mock proceedings.
Nagpadayon usab ang ilang preparasyon samtang naghulat sa kataposan sa 10 ka adlaw nga lugway nga gihatag sa kampo ni VP Sara aron motubag sa mga alegasyon batok kaniya.