Gibutyag ni House Lead Prosecutor ug House Justice Committee Chairman Gerville Luistro nga andam na ang prosecution panel alang sa pagsugod sa impeachment trial ni Bise Presidente Sara Duterte sa Hulyo 6.
Matod ni Luistro, dugay nang nangandam ang prosecution team ug nahuman na ang pre-trial conference diin nahisgutan ang mga ebidensiya, testigo, ug uban pang legal nga isyu.
Samtang, sumala ni private prosecutor Lorna Kapunan, mopresentar ang prosecution og 57 ka testigo, samtang kapin sa 20 ka testigo usab ang ipa-atubang sa depensa.
Una nilang hisgutan ang Article of Impeachment nga may kalabotan sa giingong pagpanghulga ni VP Sara kang Pangulong Ferdinand Marcos Jr., First Lady Liza Araneta-Marcos, ug kanhing House Speaker Martin Romualdez.
Nagdumili sila Luistro ug Kapunan sa paghatag og dugang detalye sa kaso tungod kay padayon pa ang proseso sa impeachment court.
Kahinumdoman nga na-impeach si VP Sara human gipirmahan sa 257 ka mga kongresista ang reklamo batok kaniya nga naglakip sa betrayal of public trust, culpable violation of the Constitution, graft and corruption, ug uban pang seryosong alegasyon.