Gikumpirma sa hostile witness nga si kanhing OVP Special Disbursing Officer Gina Acosta nga si Vice President Sara Duterte ang nagmando kaniya sa pag-release sa ₱125 milyon nga confidential funds ngadto kang Col. Raymund Dante Lachica.
Matod ni Acosta, si Lachica ang adunay kahibalo ug eksperto sa pagpatuman sa confidential operations tungod sa iyang access sa national security information.
Sa pagpangutana ni Senate Impeachment Court Presiding Officer Francis “Chiz” Escudero kung apil ba sa trabaho sa security officer ang paggasto sa confidential funds, miingon si Acosta nga dili kini trabaho ni Lachica, kundili sa disbursing officer.
Human i-release ang P125 milyon ngadto kang Lachica, sigon ni Acosta nga nagsumite kini og utilization reports ug nag-liquidate sa maong pondo.
Ang OVP nakadawat og kinatibuk-ang P500 milyon nga confidential funds niadtong 2022 ug 2023, samtang P112.5 milyon usab ang napadulong sa Department of Education niadtong si Duterte ang Education secretary.
Busa, mokabat sa P612.5 milyon ang kinatibuk-ang pondo nga gisusi kalabot sa impeachment complaint.