Gipadayag ni Gavilino Aspe Jr., presidente sa Homeowners Association, ang kabalaka sa mga residente sa Greenfield Subdivision tungod sa padayon nga kakulang sa suplay sa tubig gikan sa Prime Water.
Matod niya, dako kini nga hagit sa mga konsumante tungod kay adunay mga trabaho ug mga kabataan nga gikinahanglan og hustong suplay sa tubig matag adlaw.
Nanawagan si Aspe sa mga residente nga magtinabangay ug magpabiling kalma samtang naghulat sa solusyon, lakip na ang paglimpyo sa mga dalan ug kanto aron dili maapektuhan ang pag-abot sa mga water tanker nga naghatod og rasyon nga tubig. Â
Giapela usab ni Aspe sa Prime Water ug sa mga hingtungdan nga hatagan og dakong prayoridad ang problema sa tubig ug ang paspas nga pag-ayo sa mga hinungdan sa kakulang sa suplay.