Napili pinaagi sa unanimous vote si Senador Sherwin “Win” Gatchalian isip bag-ong Senate President atol sa espesyal nga sesyon sa Senado karong adlawa, Hunyo 17.
Nasakmit ni Gatchalian ang renda sa liderato human makompleto sa iyang grupo ang gikinahanglang 13 ka boto aron makuha ang mayorya, diin si Senador Joel Villanueva ang nagsilbing mabililhong ika-13 nga miyembro sa maong alyansa. Sa samang sesyon, pormal usab nga gilingkoran ni Senador Vicente “Tito” Sotto III ang posisyon isip Senate President Pro Tempore hulip kang Senadora Loren Legarda.
Sa wala pa ang botohan, pormal nga mibiya sa iyang katungdanan si kanhi Senate President Alan Peter Cayetano kinsa mipasalig nga dili babagan ang bag-ong pamunoan dungan sa pagpasalamat sa higayon nga makapamuno sa Senado. Ang maong kalit nga lahugay sa liderato natigayon atol sa espesyal nga sesyon nga gipatawag subay sa kamandoan ni Presidente Ferdinand “Bongbong” Marcos Jr.