Gisaway ni Bicol Saro Partylist Rep. Terry Ridon ang lakang ni Atty. Israelito Torreon sa pagpugong sa impeachment proceedings sa Kamara batok kang Bise Presidente Sara Duterte.
Sa pakighinabi sa Bombo Radyo kang Rep. Ridon, wala’y direkta nga kalambigitan sa impeachment matter si Torreon ug law firm niini, hinungdan nga wala kini gahum nga dalhon ang isyu sa Korte Suprema.
Gihatagan usab ni Ridon nga ang grupo nga nangayo og temporary restraining order kon TRO gikan sa Korte Suprema nga dili sakop sa defense team ni VP Duterte, mao nga imposible matud pa nga hatagan kini og pagtagad sa mga mahistrado.
Dugang pa niini, nga bisan og moduso og petisyon ang grupo isip taxpayer, dili gihapon kini kuwalipikado tungod gisupak sa kampo sa petitioner ang dili paggasto sa pundo sa gobyerno.
Gumikan niini, nagtuo si Ridon nga wala’y kapasidad ang maong reklamo nga makapugong sa impeachment, nga sa sinugdanan pa lamang dili na sakop sa korte tungod katungdanan kini sa Kongreso.
Kasamtangan, ang impeachment case gi-refer na ngadto sa House justice committee aron masuta kung aduna ba kini probable cause nga i-refer ang maong butang ngadto sa Senado isip Impeachment Court.