Misaka pa ngadto sa 131 ka tawo ang gikatahong namatay samtang miabot na sa 513 ang mga suspetsadong kaso tungod sa paspas nga pagkaylap sa sakit nga Ebola didto sa sidlakang bahin sa Democratic Republic of the Congo (DRC) ug sa silingang nasod niini nga Uganda.
Tungod sa kakuyaw sa sitwasyon, opisyal nang nideklarar ang World Health Organization (WHO) nga usa na kini sa pinakataas nga lebel sa global emergency (public health emergency of international concern). Matud ni WHO Director-General Tedros Adhanom Ghebreyesus, nabalaka siya pag-ayo sa “gidak-on ug kapaspas” sa pag-ulbo sa maong epidemya tungod kay nakasulod na kini sa mga dagkong siyudad ug duna na say mga healthcare workers nga natakdan.
Nalisang pag-ayo ang mga eksperto tungod kay ang nakit-ang virus mao ang talagsaong Bundibugyo strain nga walay saktong tambal o aprubadong bakuna sa pagkakaron, hinungdan nga nagpadala na og dinaliyang pondo ug medikal nga suplay ang WHO aron mapugngan ang dugang trahedya.