Mipadayag og suporta ug pagsalig si Senador Kiko Pangilinan kang Senador Sherwin Gatchalian isip posibleng bag-ong Senate President. Sumala sa pamahayag ni Pangilinan niadtong Mayo 23, gisuportahan sa grupo nga Solid Bloc 11 (SB-11) ang kandidatura ni Gatchalian isip lider sa Senado.
Matud ni Pangilinan nga napamatud-an na ni Gatchalian ang iyang abilidad ilabi na sa pagdumala sa deliberasyon sa 2026 national budget, nga nagpakita sa iyang abilidad sa pagpanalipod sa pondo sa gobyerno ug sa husto nga paggahin niini.
Dugang pa niini, nga si Gatchalian adunay prinsipyo, lig-on, patas, ug angay mahimong lider nga makapahiusa sa Senado ug makahatag og mas balanse ug reform-oriented nga institusyon.
Sumala ni Pangilinan nga bisan si Senate President Alan Peter Cayetano nagpakita na og pagsalig kang Gatchalian ug giingon nga mahimo niya kining iboto isip bag-ong Senate President.
Kini nga development mitumaw pipila ka semana human nakuha ni Cayetano ang Senate presidency gikan kang kanhing SP Tito Sotto III.