Mikunhod gamay ang utang sa gawas sa nasud sa Pilipinas sa unang kwarter sa tuig, sumala sa Bangko Sentral ng Pilipinas.
Miabot kini sa $147.35 bilyon sa katapusan sa Marso, mas ubos kumpara sa $147.65 bilyon sa miaging kwarter.
Matud sa BSP, ang pagkunhod resulta sa mas ubos nga pamuhunan sa mga langyaw nga investors sa government debt securities tungod sa mas mabinantayon nga sentimento sa merkado ug mas hugot nga kondisyon sa pagpahulam sa mga nag-uswag nga ekonomiya.
Bisan pa sa padayon nga tensyon sa Middle East ug epekto niini sa presyo sa lana ug bili sa peso, sigon sa BSP nga ang utang sa gawas sa nasud nagpabiling “manageable” ug luwas ang lebel niini.
Samtang, ang short-term external debt nga kinahanglan bayran sulod sa usa ka tuig miabot sa $25.5 bilyon, nga natabunan sa $106.64 bilyon nga gross international reserves sa Pilipinas, nagpakita nga igo ang reserba sa nasud aron matubag ang mga obligasyon niini.