Gipakusgan na sa Department of Agriculture (DA) ang mga lakang aron maseguro ang seguridad sa pagkaon sa nasud taliwa sa pagtaas sa presyo sa lana tungod sa krisis sa Middle East ug hulga sa El Niño.
Sumala ni DA Undersecretary Asis Perez nangandam ang ahensya para sa “worst case scenario” aron maprotektahan ang mga producer ug consumer sa pagkaon.
Lakip sa nag-unang hagit ang pagtaas sa gastos sa fuel ug abono nga nakaaapekto sa produksyon sa agrikultura.
Aron maminusan ang epekto, nagpagawas na ang DA og fuel subsidies para sa rehistradong maguuma ug mangingisda, lakip na ang 10 bilyones pesos nga tabang pinansyal sa ilalom sa Presidential Assistance for Farmers and Fishers (PAFF) para sa 4.175 milyong benepisyaryo nga dunay kantidad ₱2,325 matag-usa.