Filipinas, gipildi ang Hong Kong 2-0 sa Asian Games

Gipildi sa Philippine women’s national football team ang Hong Kong, 2-0, sa 2026 Asian Games sa Aichi-Nagoya, Japan. Unang nakapuntos si Skye Lech sa ika-12 minutos sa dula, samtang nadugang ni Mallie Ramirez ang ikaduhang goal sa ika-63 minutos.

Misulay ang Hong Kong nga makapuntos apan napugngan kini sa lig-on nga depensa sa Filipinas.

Upat na ang puntos sa Filipinas ug nahimutang sa ikaduhang puwesto sa Group G, nga nagpalig-on sa ilang kahigayonan nga makasulod sa knockout stage.

Sunod nga atubangon sa grupo ang China, ang bronze medalist sa 2022 Asian Games.