Personal nga mitambong ang kanhing kalihim sa Department of Public Works and Highways (DPWH) nga si Manuel Bonoan sa gipaabot nga preliminary investigation sa Department of Justice (DOJ).
Giatubang ni Bonoan, ang reklamong plunder nga gisang-at batok kaniya bahin sa alegasyon sa korapsyon nga may kalabotan sa anomalya sa flood control projects.
Gikumpirma niini ang pagsumite sa counter-affidavit ngadto sa prosekusyon kabahin sa reklamo.
Sa maong plunder case, kauban niya nga respondent ang senador nga si Jinggoy Estrada.
Lakip usab sa mga respondents ug state witnesses ang kanhing DPWH Usec. Roberto Bernardo, Gerard Opulencia, ug Henry Alcantara.
Lakip usab ang mitaliwan nga si kanhing DPWH Usec. Catalina Cabral.
Gawas sa plunder, giatubang usab nila ang kaso kabahin sa paglapas sa Section 3(e) sa Republic Act 3019 o ang Anti-Graft and Corrupt Practices Act, lakip na ang reklamong Direct Bribery and Receiving Gifts by Public Officers ug Corruption of Public Officers.
Nakatakda ang sunod nga preliminary investigation sa Pebrero 23, 2026.