Nagpabiling alerto ang Explosive Ordnance Disposal (EOD) Canine Unit sa Bukidnon aron masiguro ang kaluwasan sa publiko batok sa posibleng bomb threats ug mga unexploded ordnance (UXO).
Sa pakighinabi sa Bombo Radyo, gibutyag ni PSMS. Richard A. Memeje – Team Leader Provincial EOD and Canine Unit, Bukidnon, nga sa miaging bulan sa Hunyo, nagpadayon ang ilang security operations alang sa mga VIP ug nakaresponde usab sila sa pagkadiskobre sa usa ka 75-millimeter unexploded projectile sa Purok 3, Barangay Bilita, Malaybalay City, nga anaa na karon sa kustodiya sa ilang opisina.
Giduso usab ni Memeje ang publiko nga dili gayod hilabtan ang bisan unsang unattended o kadudahang bag o butang nga ilang makita.
Gipahimangnoan usab sa opisyal ang publiko nga likayan ang pagpakaylap og walay basehang impormasyon mahitungod sa bomba aron malikayan ang kalisang ug kahadlok sa komunidad.