Misulod na sa mas init nga bahin sa kompetisyon ang FIFA World Cup 2026 human mahuman ang Round of 32, diin daghang wala damhang resulta ang nahitabo ug pipila sa mga paboritong koponan ang natangtang.
Sa pakighinabi sa Bombo Radyo, gibutyag ni football coach Martin Lester R. Laurel nga usa sa labing dakong sorpresa mao ang pagkapildi sa Germany batok sa Paraguay pinaagi sa penalty shootout, samtang napalagpot usab ang Netherlands sa kamot sa Morocco.
Gipasidunggan usab ni Ferrer ang Japan tungod sa ilang disiplinado ug modernong sistema sa football, lakip ang komprehensibong suporta gikan sa defensive ug attacking coaches, conditioning coaches, analysts ug nutritionists.
Bisan napildi sila sa Brazil, matud niya nga dako gihapon ang kalidad sa ilang programa ug dugay nilang gipangandaman ang World Cup.
Alang sa Round of 16, gitan-aw ni Ferrer nga mga koponang angay bantayan ang Brazil, France, Mexico, Spain ug Estados Unidos.
Matud niya, ang Brazil nagpakita og organisado ug sistematikong dula, samtang ang Estados Unidos adunay taas nga morale ug agresibong estilo sa pag-atake nga maoy nakahatag kanila og lig-on nga performance sa torneo.