Elreen Ando nakuha ang silver medal sa torneo sa China

Nasakmit ni two-time Olympian Elreen Ando ang silver medal sa Asian Weightlifting Championships nga gipahigayon sa Zhejiang, China.

Nabuhat ni Ando ang 102 kilograms sa snatch ug 130 kilograms sa clean and jerk, nga may kinatibuk-ang timbang nga 232 kilograms.

Gikonsidera usab si Ando isip paborito sa Southeast Asian Games, apan napakyas sa maong torneo.

Ang gold medal nakuha ni Li Shuang sa China, samtang ang bronze medal naangkon ni Mun Minhee sa Korea.