Nasikop ang usa ka 38 anyos nga bag-ong nailhang drug personality sa buy-bust operation sa Purok 8, Barangay Poblacion, Impasugong, Bukidnon, niadtong milabayng adlaw.
Gipahigayon ang operasyon sa mga sakop sa Impasugong Municipal Police Station ug 1st Bukidnon Provincial Mobile Force Company uban sa Provincial Intelligence Unit, nga misangpot sa pagdakop sa suspetsado.
Narekober gikan sa suspek ang 11 ka sachet sa gidudahang shabu nga adunay kinatibuk-ang gibug-aton nga 0.88 gramos ug gibanabanaang nagakantidad ug P5,984, lakip ang buy-bust money, cellphone ug pakete sa sigarilyo.
Giandam na ang kasong paglapas sa Sections 5 ug 11, Article II sa R.A. 9165 batok sa nadakpan samtang gipadala na sa Bukidnon Provincial Forensic Unit ang mga ebidensya alang sa eksaminasyon.