Nadakpan ang usa ka 32-anyos nga lalaki sa buy-bust operation sa kapulisan sa Purok 1, Barangay Gutapol, Kibawe, Bukidnon takna alas-11:29 sa gabii niadtong milabay’ang adlaw.
Ang suspetsado sa alyas nga “Jujun,” usa ka street-level individual ug residente sa maong barangay.
Nakuha gikan sa posisyon niini ang duha ka heat-sealed sachet nga adunay gituohang shabu nga motimbang og 0.728 gramos, nga mokabat sa ₱4,950.40 ang gibanabang bili.
Nakuha usab ang usa ka pouch wallet ug ₱1,000 nga cash.
Sa pagkakaron, atubangon sa suspetsado ang kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002.
Anaa na sa kustodiya sa Kibawe MPS ang suspetsado, samtang ang mga nakumpiskang drug items gidala sa Bukidnon Provincial Forensic Unit alang sa laboratory examination.