DOTr nangayo sa Kongreso og P5-B pondo alang sa fuel subsidy

Nangayo og dugang pondo ang Department of Transportation o DOTr aron mapadayon ang paghatag og fuel subsidy sa mga operator sa pampasaherong sakyanan tungod sa padayong pagsaka sa presyo sa petrolyo.

Matud ni Transportation Secretary Giovanni Lopez, gikinahanglan nga maaprubahan sa Kongreso ang P5 bilyong budget proposal alang sa fuel subsidy.

Giingon sa DOTr nga tukma ang maong ayuda samtang padayon ang pagsaka sa presyo sa mga produktong petrolyo sa kalibotan.

Maglangkob ang fuel subsidy og tabang alang sa mga transport group nga naapektuhan sa pagsaka sa presyo sa lana sa nasud.

Padayon nga gihangyo sa DOTr ang Kongreso nga aprubahan ang pondo aron mapadayon ang suporta sa sektor sa transportasyon.