Gikumpirma sa Department of Justice nga mopadayon na sa preliminary investigation ang mga kasong gisang-at batok sa 15-anyos nga estudyante nga nalambigit sa pagpamusiil sa usa ka eskwelahan sa Tacloban City.
Matod ni Justice Undersecretary Ian Norman E. Dato, giatubang sa menor de edad ang tulo ka kaso sa murder ug duha ka kaso sa attempted murder human sa nahitabong insidente.
Sa kasamtangan, nagpabilin kini sa kustodiya sa Regional Rehabilitation Center for Youth sa Region 8 isip usa ka Child in Conflict with the Law (CICL), samtang ang 14-anyos nga laing nalambigit sa insidente anaa sa pag-atiman sa Department of Social Welfare and Development alang sa intervention programs.
Samtang nagpadayon ang legal nga proseso, naghatag usab og tabang ang DOJ sa mga pamilya sa mga namatay ug naluwas nga mga biktima aron makafile og claims alang sa pinansyal nga ayuda.