Kapin sa 200 ka tawo na ang namatay sa Spain sulod sa upat ka adlaw gikan Hunyo 21 hangtod 24, 2026, tungod sa grabeng heatwave nga miigo sa Europe.
Samtang sa France, labing menos 55 ang gitahong nga nalumos human nangaligo sa mga suba, lanaw, ug reservoir aron makalikay sa kainit.
Daghang nasud usab ang nakasinati og ilabihan ka taas nga temperatura, lakip ang Germany nga nakarekord og tulo ka sunod-sunod nga adlaw sa tumang kainit.
Ang Czech Republic ug Poland nakaabot pa og labaw sa 40°C.
Sumala sa mga eksperto, ang maong grabeng kainit giingong resulta sa Omega Block weather pattern, diin ang jet stream napugos ug nagmugna og “heat dome” nga magpabilin sa init nga hangin sa usa ka lugar sulod sa pila ka adlaw, ug mas gipagrabe pa kini sa climate change nga nagpasamot sa kalig-on ug kadaghan sa heatwaves.
Bisan pa niini, gipunting sa mga pagtuon nga mga 20% lamang sa mga balay sa Europe ang adunay air conditioning tungod sa mas bugnaw nilang klima kaniadto, taas nga gasto sa kuryente, ug mga building design nga dili angay sa cooling systems.
Apan gipaabot sa International Energy Agency nga mosaka pa ngadto sa 275 milyones ka units ang panginahanglan sa air conditioning sa 2050 samtang nagkadugang ang grabeng kainit sa kalibutan.