Giduso sa Department of Agriculture o DA ang pagpalapad sa industriya sa palm oil sa Pilipinas aron mapakunhod ang hapit 90 porsyento nga pagsalig sa importasyon.
Gawas sa paggamit niini sa pagkaon, tumong usab sa DA nga makahatag og lokal nga materyales alang sa mas limpyo nga klase sa fuel.
Sa budget hearing sa Kamarabaha, gipasiugda ni DA Secretary Francisco P. Tiu Laurel Jr. nga dako kini nga oportunidad alang sa mga mag-uuma ug lokal nga mga negosyante tungod sa taas nga panginahanglan niini sa merkado.
Naghangyo ang DA og inisyal nga P300 milyon nga pondo alang sa 2027 development budget sa palm oil, samtang gisugyot usab ang hangtod P1 bilyon nga tinuig nga alokasyon sulod sa lima ka tuig kung maaprobahan ang balaod alang sa maong sektor.