Gikonsidera si Senador Ronald “Bato” dela Rosa nga “armado ug delikado” ilawom sa standard protocols sa pagpangita kaniya aron ipatuman ang arrest warrant gikan sa International Criminal Court (ICC).
Sumala ni NBI Director Melvin Matibag, kabahin kini sa normal nga pamaagi sa mga awtoridad kung adunay gitutukan nga operasyon batok sa usa ka pugante, diin awtomatikong gi-assume nga posibleng armado ug mahimong delikado ang target.
Gipahigayon na sa NBI ang pagporma og espesyal nga tracking team aron pangitaon ang senador, ug gi-atasan usab ang ilang mga regional ug district offices nga magbantay ug mo-monitor sa posibleng mga lead sa iyang kinaroroonan.
Dugang usab ni Matibag nga tungod sa kasinatian ni dela Rosa isip kanhi hepe sa PNP, posibleng kabalo siya sa taktika sa mga otoridad, busa mas lisod ang tracking operation.
Samtang padayon ang panawagan sa NBI nga mosurender ang senador aron malikayan ang posibleng tensyon ug mas mapadali ang proseso sa balaod.