Misaka na sa 111 ang natala nga namatay human maigo sa magnitude 7.4 nga linog ang kasadpang bahin sa Colombia kagahapong adlawa.
Miabot usab sa 87 ang nasamdan samtang nagpadayon ang rescue operation alang sa mga posibleng natanggong ilawom sa nangaguba ug nangagun-ob nga mga building sa nagkalain-laing siyudad.
Sumala sa U.S. Geological Survey, may gilawmon nga 107 ka kilometro ang linog duol sa San Jose del Palmar sa lalawigan sa Chocó, ug hingpit usab kining nabati sa dagkong mga siyudad sa nasud.
Kini ang unang dakong krisis nga giatubang sa bag-ong administrasyon ni Colombia President Abelardo De La Espriella pipila lamang ka adlaw human kini nanumpa sa katungdanan.
Tungod niini, gideklara ni De La Espriella ang national state of emergency ug gimando ang pagpalig-on sa rescue operation ug paghatod og ayuda sa mga apektadong komunidad.