Kapin sa 1.12 milyones pesos nga kantidad sa gituohang smuggled nga sigarilyo ang nasabat sa mga otoridad sa Barangay Dalipuga, Iligan City, diin tulo ka mga indibidwal ang dakpan.
Nailhan ang mga gipang-aresto nga sila si alyas “Ram” (26 anyos, drayber), alyas “Chris” (21 anyos, truckman), ug alyas “Glenn” (20 anyos) diin pulos mga residente sa San Francisco, Agusan del Sur.
Naharang sa mga otoridad ang usa ka Green Isuzu Forward aluminum van nga nagdala sa maong mga kargamento.
Atol sa inspeksyon, nadiskobrehan ang 1,400 ka reams sa Greenhills cigarettes sulod sa van nga walay napakitang pormal nga mga dokumento gikan sa mga sakay.
Gipasa na ngadto sa Bureau of Customs (BOC) ang tanang nakumpiskang sigarilyo ug ang van alang sa hustong dokumentasyon ug safekeeping samtang giandam ang pormal nga mga kaso batok sa mga suspek.