DBM naggahin og ₱238-B isip tubag sa oil crisis

Gipasalig sa Department of Budget and Management (DBM) ang ilang suporta sa pagsulbad sa nagpadayong krisis sa lana pinaagi sa paggahin og ₱238 bilyon nga pondo alang sa nasud.

Sumala sa maong ahensya, ang maong kantidad gamiton isip fuel subsidy alang sa sektor sa transportasyon ug tabang alang sa mga mag-uuma ug mangingisda.

Lakip usab sa makadawat sa maong pondo mao ang mga healthcare support ug uban pang mga programa sa proteksyon sa katilingban.

Kining maong lakang gihimo aron makuunhuran ang epekto sa krisis sa mga batakang serbisyo ug panginabuhian sa mga Pilipino.