Dakong bawas-presyo sa Gasolina, Diesel ug Kerosene masinati karong adlawa

Makaginhawa na ang mga motorista human gipahibalo ang dakong rollback sa presyo sa mga produktong petrolyo nga ipatuman sugod karong adlawa, Hunyo 23.

Sumala sa Department of Energy (DOE), moubos ang presyo sa gasolina og ₱3.90 hangtod ₱5.90 kada litro, samtang ang diesel mokunhod og ₱9.04 hangtod ₱11.04 kada litro.

Ang kerosene usab moubos ang presyo og ₱9.82 hangtod ₱11.82 kada litro.

Samtang, gibanabana nga moabot sa 43.86 ka adlaw ang kinatibuk-ang suplay sa lana sa nasud.

Lakip niini ang 43.75 ka adlaw nga suplay sa gasolina, 40.42 ka adlaw alang sa diesel, ug 128.96 ka adlaw alang sa kerosene.

Gilauman sa DOE nga makatabang ang maong rollback sa pagpagaan sa gasto sa mga motorista ug sa transportasyon sa tibuok nasud.