Nakabsan sa kinabuhi ang lima (5) ka tawo sa sunod-sunod nga air strike ug drone attack sa Israel sa Southern Lebanon niadtong Sabado, Hunyo 20, pipila lamang ka oras human gipatuman ang ceasefire tali sa Israel ug sa grupong Hezbollah.
Sumala sa Lebanese state media, naglusad og mga pag-atake ang Israeli warplanes sa lugar sa Nabatieh gikan sa tibuok gabii hangtod sa kaadlawon sa Sabado.
Ang mga pagpamomba nakadaot sa daghang residential buildings ug mga panimalay, samtang gipadayon usab sa Israel ang pagpabuto og artillery fire sa Nabatieh ug sa mga kasikbit nga lugar.
Kahinumduman nga niadtong Biyernes, miuyon ang Israel ug Hezbollah sa usa ka ceasefire human sa grabe nga panagbangi sa Lebanon, sumala sa pagpamatuod sa usa ka senior nga opisyal sa Israel ug duha ka tinubdan gikan sa Hezbollah.