Dakbayan sa Valencia, gipailawom na sa State of Calamity

Giaprobahan sa 10th Sangguniang Panlungsod ang deklarasyon sa State of Calamity sa Dakbayan sa Valencia atol sa  2nd Special Session kagahapong adlawa, Setyembre 19, 2025, tungod sa epekto sa kusog nga pagbaha sa pipila ka barangay sa siyudad.

Ang desisyon gibase sa resulta sa Rapid Damage and Needs Assessment (RDANA) nga nagpakita sa grabeng kadaot ug panginahanglan sa mga naapektuhang residente.

Pinaagi sa deklarasyon, gihatagan og legal nga basihanan ang lokal nga pangagamhanan sa paggamit sa Quick Response Fund (QRF) aron madugangan ang relief assistance, medical aid, ug uban pang tabang ngadto sa mga katawhang nabahaan.