Gibutyag sa prosecution nga posibleng wala na moabot sa impeachment ang isyu sa confidential funds kung nasunod lamang ang hustong proseso sa liquidation.
Sa usa ka pakighinabi kang House Deputy Speaker Paolo Ortega, gipasabot niini nga proseso sa liquidation ang gikinahanglan sa paggamit sa confidential funds.
Kung nasunod kini, dili na matud pa miabot sa punto nga mahimong bahin sa mga artikulo sa impeachment ang maong isyu.
Gipanghimakak usab sa prosecution ang pipila ka questionable expenditures nga giingong gigamit alang sa Christmas parties, tree planting activities, furniture, medisina ug food aid.
Gipangutana ang prosecution kung lehitimo ba ang maong mga gasto base sa gitugot nga paggamit sa confidential funds.
Matud niini, kinahanglan mas estrikto ang pag-imbestiga ug hustong liquidation aron malikayan ang mga problema sa paggamit sa pondo.
Samtang, gipunting usab sa prosecution ang giingong mga irregularidad sa paggamit sa confidential funds, lakip ang pagdawat sa kuwarta sa mga tawo nga dili mismo disbursement officer.
Matud sa prosecution, klaro ang pipila ka giingong dili husto nga paggamit sa pondo ug ang pagdawat sa kuwarta sa ubang tawo usa ka dakong red flag. Gilauman nga mas molawom pa ang pagsusi niini sa sunod nga mga hearing ug testimonya sa mga saksi.