Presyo sa gasolina ug diesel, gilauman nga mosaka pag-usab karon nga semana

Lauman na usab ang dakong pagsaka sa presyo sa mga produktong petrolyo sunod semana, human sa rollback karong semanaha, base sa Mean of Platts Singapore o MOPS ug foreign exchange averages sa milabay nga lima ka adlaw.

Base sa banabana, posibleng mosaka og P4.00 hangtod P4.50 kada litro ang diesel, samtang P2.50 hangtod P3.00 kada litro ang gasolina.

Gikonsiderar nga hinungdan sa maong pagsaka ang padayon nga kakulang sa suplay sa diesel ug ang bag-ong tensyon sa Middle East nga nagpataas sa global gasoline benchmarks.

Ipahibalo sa mga kompanya sa lana matag Lunes ang ilang opisyal nga price adjustment, nga ipatuman pagsugod sa Martes.