Nagtinubaga sa Senado tali nila Senate President Alan Peter Cayetano ug DILG Secretary Jonvic Remulla samtang gipatuman sa PNP-CIDG ang arrest warrant batok kang Senador Jinggoy Estrada may kalabotan sa kaso nga plunder.
Sa dihang gipatuman ang warrant, gipunting ni Cayetano nga respetuhon ang Senado isip institusyon ug hatagan pa og higayon si Estrada nga makagawas una sa hawan sa Senado.
Matud niya, “Respect the institution.
This is not about Jinggoy.
Hindi pa naging kaugalian na arestuhin ang isang senador sa loob ng Senado.”
Apan miinsister si Remulla nga ipatuman ang balaod ug ang arrest warrant bisan pa sulod sa Senado.
Sumala ni Remulla nga nawala na matud pa ang maong pribilehiyo sa Senado human sa insidente sa pag-ikyas ni Sen. Ronald “Bato” Dela Rosa gikan sa protective custody.
Matud niya, “Tungkulin ng ehekutibo na ipatupad ang warrant kahit sa loob ng Senado.”
Ang maong panaglalis nagpakita sa mas lawom nga isyu bahin sa hurisdiksyon ug gahum sa tunga sa lehislatura ug ehekutibo.
Sa kasamtangan, nagpabilin nga kontrobersyal ang kaso ni Estrada nga may kalabotan sa giingong ₱573-milyon nga anomalya sa flood control projects, nga usa ka non-bailable case ug posibleng may silot nga reclusion perpetua kung mapamatud-an.