9-time PBA MVP June Mar Fajardo opisyal nang niretiro sa Gilas Pilipinas human sa 13 ka tuig

SPORTS — Opisyal nang mipahibalo sa iyang pagretiro gikan sa international basketball ang 36-anyos ug 9-time PBA MVP nga si June Mar Fajardo human sa 13 ka tuig nga pag-alagad sa Gilas Pilipinas.

Nagsilbing katapusang duwa sa Cebuano center alang sa nasyonal nga koponan ang kadaugan sa Gilas batok sa Iran sa score nga 68-56 sa FIBA World Cup Asian Qualifiers sa Mall of Asia Arena, diin nakatala siya og 6 puntos ug 2 rebounds sulod sa 7 ka minuto.

Gipahayag ni Fajardo nga bisan gusto pa niyang moduwa alang sa nasod, dili na kaayo makakaya sa iyang lawas ang pisikal nga hagit sa international basketball. Kasunod sa iyang pagretiro sa Gilas, magpokus na lamang ang beteranong Big Man sa iyang pagduwa sa San Miguel Beermen sa PBA.