Gihatagan og dugang nga kahigayonan sa pagbayad sa bayranan sa kuryente ang mga konsumidor human ipagawas sa Energy Regulatory Commission (ERC) ang advisory alang sa pagpalugway sa consumer protection measures subay sa Executive Order No. 111.
Gipasabot ni Bukidnon Second Electric Cooperative (BUSECO) General Manager Christopher Dulfo nga gitumong ang maong lakang aron dili mabug-atan ang mga konsumidor nga naglisod sa pagbayad sa ilang bayranan pinaagi sa hinay-hinay nga pagbayad niini.
Matud ni Adolfo, mahimong makapahimulos ang mga kwalipikadong konsumidor sa staggered payment arrangement alang sa ilang Nobyembre ug Disyembre 2026 nga bayranan.
Apan giklaro sa opisyal nga adunay kondisyon aron makapahimulos sa dugang nga palugit, diin kinahanglan nga nahuman na ang pagbayad sa miaging extension alang sa bayranan sa Mayo hangtod Hulyo 2026, dili molapas sa Nobyembre 26, 2026.
Gidasig usab ni Dulfo ang mga konsumidor nga motuman sa ilang obligasyon sa pagbayad, samtang gipasalig nga padayon ang koordinasyon sa BUSECO ug sa ilang power supplier aron mapadayon ang serbisyo bisan pa sa kakulang sa koleksiyon.