Gipalapdan ug gipakusog sa kapulisan sa Bukidnon ang ilang kampanya batok sa nagkataas nga ihap sa kriminalidad, pinaagi sa padayon nga pagpahigayon og sunod-sunod nga anti-crime operations sa tibuok lalawigan.
Sumala ni PCpt. Sheila Joy Jangad tigpamaba sa Bukidnon Police Provincial Office, lakip sa ilang mga operasyon mao ang illegal drugs, diin nakahimo og 10 ka operasyon ug nakadakop og 10 ka suspek; illegal gambling nga adunay 1 ka operasyon ug 4 ka nadakpan; ug loose firearms nga adunay 1 ka nadakpan.
Gipadayag usab nga adunay illegal logging operations nga nakapahimo og 4 ka operasyon ug 3 ang nadakpan, samtang sa illegal fishing adunay 3 ka operasyon ug 4 ka dinakpan.
Dugang pa niini, nakasikop usab og 1 ka Most Wanted Person ug 17 ka Other Wanted Persons, ug nakahimo og 1 ka operasyon sa smuggled tobacco nga miresulta sa 1 ka pag-aresto.
Sa bahin sa kampanya batok sa insurgency, adunay usab 2 ka operasyon nga may kalabotan sa CTG (Communist Terrorist Group) nga miresulta sa 3 ka nadakpan.
Gikan Mayo 4 hangtod 9 nakahimo ang kapulisan og total nga 42 ka operasyon ug nakadakop og 44 ka mga indibidwal nga nalambigit sa lain-laing kalihokan nga supak sa balaod