Padayon ang pagkunhod sa kalihokan sa mga rebelde sa Bukidnon, ug hingpit na kining madeklarang insurgency-free ang tibuok probinsya sa Bukidnon.
Sa eksklusibong pakighinabi sa Bombo Radyo Malaybalay, kang Brigadier General Seigfred Tubalado, Commander sa 403rd Infantry “Peacemaker” Brigade sa Philippine Army, padayon ang proseso sa deklarasyon sa matag lungsod, ug ubos na sa napulo ang gibanabanang nahibiling rebelde sa kabukiran human sa sunod-sunod nga operasyon sa militar.
Samtang, gipanghimakak sa 403rd Infantry “Peacemaker” Brigade ang mga hungihong ug alegasyon nga adunay gihimong loyalty check sulod sa han-ay sa mga sundalo.
Matod ni Tubalado, propesyonal ang Armed Forces of the Philippines ug dili kini magpalambigit sa mga isyung politikal.